"WATCHING THE WEATHER TO PROTECT LIFE AND PROPERTY"



Mester tuma prekoushon personal den temporada di kalor eksesivo. (11/10/2016)



E dianan aki nos tur ta nota ku ta hasi hopi kalor i tin un wer bastante kayente. Servisio Meteorológiko Kòrsou (Meteo) ta indiká ku esaki ta pa motibu di temperatura ta mas haltu ku normal pa periodo di aña ku nos ta den. Den e temporada aki tambe no tin hopi bientu. Ora ku no tin bientu ta supla, esaki ta pone ku ta hasi mas kalor. E impakto ku esaki tin riba salu di hende ta ku e por kousa ”Zonnesteek”, bo ta sinti kansa, bo tin kalor i por haña kram di múskulo. Asta e situashon por kondusí na atake si un persona hasi aktividat físiko den kayente òf keda den kalor pa largu tempu.