Durante di e promé siman di novèmber 2022 vários sistema di wer a pasa over
di Kòrsou. Dor di esei a kai hopi áwaseru, kompañá pa welek ku bos. Kompará
ku e promedio di 30 aña e kantidat di awa tabata mas tantu ku e promedio aki,
pero no ta promé biaha ku ta kai tantu awa asina durante di novèmber. E
promedio di 30 aña pa hinter luna di novèmber ta 141 mm na Hato. Te awor a kai
durante di promé dies dianan di novèmber 2022 un kantidat di 175 mm einan,
loke ta riba e promedio ei.
Den e gráfiko athunto ta kompará e promé dies dianan di novèmber 2022 ku e
promedio di 30 aña. Aki por mira ku den pasado tabatin situashonnan komparabel
ku esun aktual. E kantidat di awa na 2022 ta keda nèt bou di esun di 2010, pa
loke ta trata e promé dies dianan.
E gráfiko athunto ta mustra e kantidat di awa ku a kai na Airopuerto Hato
durante di e promé dies dianan di novèmber. E liña kòrá ta indiká e awa di
novèmber 2010, miéntras ku e liña bèrdè ta mustra e kantidat di áwaseru di
e luna aki.
(11/11/2022)