Pronóstiko

Pronóstiko di tempu pa Kòrsou i bisindario bálido te djadumingu atardi 18:00 o.l., 30 di yüni 2024.

Kompilá:
djasabra 29 di yüni 2024, 17:50 o.l. (21:50 UTC).

Tempu:
Shelu lo varia entre parsialmente te hopi nublá i awa lo kai lokalmente. Tambe tin chèns pa welek i bos.

Temperatura máksimo lo alkansá 31ºC i temperatura mínimo 27ºC.
Solo ta sali 06:15 i ta baha 19:04 o.l.

Bientu:
Direkshon por lo general ost i moderá; forsa 3 te 4 (12 te 30 km/ora, 7 te 16 nudo). De bes en kuando basta fuerte te posiblemente fuerte den ráfaga; forsa 5 te 6 (31 te 50 km/ora, 17 te 27 nudo).

Situashon general:
Durante e próksimo 24 ora, un ola tropikal lo afektá e tempu den nos área, di manera ku awa lo kai riba diferente parti di e isla. Ademas, un grado di humedat relativamente haltu durante e dianan aki lo kousa sintimentu di èkstra kalor.

Kondishon di laman:
Trankil te moderá ku altura di olanan entre 0.5 i 1.5 meter (2 i 5 pia).

Sistemanan signifikante di wer tropikal:
Sistemanan signifikante di wer tropikal: Siklon Beryl resientemente a keda denominá komo un orkan. Awe, djasabra atardi orkan Beryl tabata lokalisá riba e sekshon tropikal di Oséano Atlántiko na un distansia di mas o ménos 1200 kilometer ost sùitost di Barbados i ta premirá ku e sistema lo intensifiká i move rápidamente den direkshon wèst nortwèst. Segun e pasashi proyektá, e siklon lo pasa riba djamars nort di nos isla, na un distansia di mas e ménos 300 kilometer. Ta antisipá ku na e momento ei, e laman rondó di nos isla lo bira brutu i kousa daño na e kostanan. Por fabor sigui ku atenshon e aktualisashon nan di Servisio Meteorológiko Kòrsou relashoná ku siklon Beryl durante e siguiente dianan.

Fenómeno spesial:
Ningun.

Perspektiva te djaluna atardi: P
Parsialmente nublá i gradualmente ku ménos chèns pa awa kai.

Meteorólogo:
Coffie

E próksimo boletin di tempu lo wòrdu publiká djadumingu 05:00 o.l. (09:00 UTC).